انا فى علاقة مع شخص نرجسى .. ومش عارفة اسيبة !!

 بحبة بالرغم من كل العيوب .. وأنة بيهددنى بالبعد والترك بس بحبة ..

أعمل أية ؟؟!

حبك لشخص نرجسى لدرجة التعلق .. دى كانت نابعة منه قبل منك .. لأن الشخص النرجسى بيكون داخل العلاقة على أساس أنة هيوقعك فى شباكة .. 

(( حتى لو مش بيحبك )).. 

اه هيكون داخل العلاقة .. بشكل جدى جدا .  وبيديك كل الأسباب أنك تبادليه الأحساس .. وهيحاول انة يسعدك بشتى الطرق .. " وهو من جواه مش دايما ناقص  أول أسباب السعادة وهي الرضا " 

ليه ؟!

غالبا بيكون خارج من علاقة او بيسيب علاقة تانية فبيحاول يعوض علشان أما يسيب دى يلاقي دي خوفا من " الوحدة" .. لأن شعوره بالوحده .. وبٌعد الناس " اللى عرفته وانشكف ليها قناعة " بيوجعه و بيفزعه فبيعمل ايه بيعمل تعويض  ( علاقة بعلاقة ) .. بيشيل دايما علاقات على الرّف (رف النرجسيين)

فهيقدر يفهمك أنة بيحبك حقيقى .. 

وتيجى بقى أهم مرحلة عنده 

مرحلة ( فرض الذات ) .. هيـفرض نفسه عليك طول الوقت .. يفرض قوانينه الظالمه ويخليكِ تتنازلي عن كل نفسك علشانه ودا طبعا بدافع الحب وهيعرف أنت محتاج أية بالضبط في مرحلة بناء الوئام اللي هي بداية قصف الحب بيشمعك كويس جدا وبيدرسك دراسة (معلم ) يكتشف فيها 

" نقطة ضعفك " .. ويشتغل عليها .. 

لو انت شخص محتاج أهتمام ( هيغرقك اهتمام )

لو محتاج حب ( أكتر شخص هيسمعك كلام حب ) 

وقتك فاضى وكئيب ( هيحوله كله ليه ويستفاد بيه ) 

هيعرف يظبط مزاجك و ويومك .. ويقدر يحسسك أنة ( السند و الكتف) ويسمعلك فى مشكلاتك .. 

( اللى فيما بعد هيعايرك بيها ) و يطلعك غير محتملة ولولا هو مكنش حد بص ليكي .

** هيخلى كونك كله متمركز فيه .. هو بحيث من أول ما تصحي لحد ما تنامي مركزة معاه و هو الشخص الرئيسى فى يومك كله ..

وهيهمش الباقى فى حياتك ( اهل / صحاب/ولاد)

هتلاقى صحابك وأهلك مفتقدينك وأنت بتدى أعذار أنت نفسك مش مقتنعه بيها .. علشان الوقت كله يبقي ليه هو وبس.. 

( هتعيشي معاه رومانسية بجد زي الكتاب ما بيقول ) ..

وكل دة هيكون " سكينة " في قلبك فيما بعد .. علشان أما يتأكد تماما أنك ( دخلت الفخ ) .. يقلب عليك ويظهر وجهة الحقيقى .. وأنت هتبقي مصدومه .. ومش مصدقة 

** ليه صعب انسي النرجسى او أخرج من علاقتي معاه رغم اذيته ؟!!

علشان هو قام بدوره على أكمل وجة بالتالى .. وقت ما بيكون فيه ( إمداد جديد ) بيكون هو " ملّ" وخلاص أنت بعد ما كُنت شخص ( صعب ) .. أتحولت في ايده لعجينة وشكلك وسيطر عليك .. وتأكد أنك خلاص حبيته .. هيلاقي ضحية تانية يعيد معاها نفس الحوار ..

** بيكون صعب تحب أو تنسى النرجسى 

لأنة نسج لك صورة حب حقيقى .. وعرف ( نقاط ضعفك ) ولعب عليها .. وقدر يملا فراغ يومك .. وقدر يسمعك كلام حلو الكلام دة اللى هيفضل يكذب كل حاجة وحشة او فعل سئ بيصدر منه .. هتفضل تفتكر قد اية كان ( بيحلف انه بيحبك / بيوعدك / بيطمنك بوجودة / بيملا فراغك / بيشبع عاطفتك ) وعودهـ كلها ( مجرد كلام / عشم ) بس مش هتشوف ولا أى فعل 

فمبتكونش مصدق ان ( القصة انتهت ) 

لانة بعد كل ( زعل بينكم ) بيصالحك وبيراضيك .. وبيرجع .. فمبتكونش متخيل أن المرة دى أخر مرة .. وتفضل على أمل أنة يرجع وتفضل تراقبه بعد فراقك ليه ..

او تفضل معاه ( بذل وقهر ) على أمل يتغير .. او .. خوفا من أنك يسيبك وترجع لوحدتك تانى .. ومتلاقيش حد يحبك .. 

ودة ( ضيع عمر ناس كتير فى الأنتظار ) .. 

ممكن جدا ترفض ترتبط .. بشخص جديد فى حياتك وتفضل مستنى شخص ( نرجسي مريض نفسى ) 

عيشك الوهم .. هو يعيش حياته ويبدأ من جديد .. وأنت تفضل واقف في مكانك تتفرج عليه ..مستني يرجعلك 

او بتفكر تنتقم منه ازاي 

او امتى ربنا هيرجعهولك علشان حقك يتردلك.

#ماذا_بعد_النرجسي